WASHINGTON DC —
Abantu abanengi eZimbabwe bathi sebephila ngokuboleka imali kwababoleka imali ezala umthelo oqonge okumangalisayo awe zimbadzo.
Izakhamizi ze Victoria Falls, Gwanda, Gweru, Harare, Masvingo lakoBulawayo ezikhulume le Studio 7 ngoLwesihlanu zithe loba abanye babo babeboleka imali yezimbadzo ngesikhathi kusasetshenziswa iZimbabwe dollar, okwamanje sebedinga imali yokuboleka liphuma lize liyetshona ngenxa yokuswela umsebenzi.
Zithe nxa umuntu engaboleka ikhulu lamadola-$100, kwesinye isikhathi kumele ayibisele isiphethwe kabili kumbe isizele umthelo wengxenye yayo.
Izakhamizi lezi zithe lokhu sokusenza ukuthi inengi labo lehluleke ukubhadala imali ebolekiweyo.
Abantu abehluleka ukubhadala imali ebolekiweyo bathathelwa impahla ethengiswa ukuze kubhadalwe izikwelede lezi. Kwesinye isikhathi kuthathwa impahla edulayo ecina ithengiswa ngemali ephansi.
Isakhamuzi seGwanda, uNkosikazi Mavis Nare, uthe inengi labantu lithatha izimbadzo lezi ukwenzela ukuphilisa imuli.
UNkosikazi Nare uthe kuzwisa usizi ukuthi uzulu usephila ngokuboleka imali ezalayo nsukuzonke.
Izakhamizi ze Victoria Falls, Gwanda, Gweru, Harare, Masvingo lakoBulawayo ezikhulume le Studio 7 ngoLwesihlanu zithe loba abanye babo babeboleka imali yezimbadzo ngesikhathi kusasetshenziswa iZimbabwe dollar, okwamanje sebedinga imali yokuboleka liphuma lize liyetshona ngenxa yokuswela umsebenzi.
Zithe nxa umuntu engaboleka ikhulu lamadola-$100, kwesinye isikhathi kumele ayibisele isiphethwe kabili kumbe isizele umthelo wengxenye yayo.
Izakhamizi lezi zithe lokhu sokusenza ukuthi inengi labo lehluleke ukubhadala imali ebolekiweyo.
Abantu abehluleka ukubhadala imali ebolekiweyo bathathelwa impahla ethengiswa ukuze kubhadalwe izikwelede lezi. Kwesinye isikhathi kuthathwa impahla edulayo ecina ithengiswa ngemali ephansi.
Isakhamuzi seGwanda, uNkosikazi Mavis Nare, uthe inengi labantu lithatha izimbadzo lezi ukwenzela ukuphilisa imuli.
UNkosikazi Nare uthe kuzwisa usizi ukuthi uzulu usephila ngokuboleka imali ezalayo nsukuzonke.