Isikolo seNkuba Primary School eNkayi sesisungule uhlelo lokufundisa abantwana kusetshenziswa imitshina yama computers, ama-radio sets lokunye.
Uhlelo lolu olusekelwa yisizalwane seZimbabwe esiphandle kwelizwe, esingafisanga ukuvezwa igama, lukhangelelwe ukuba luzanceda ukuvimba ukumemetheka kwegciwane leCOVID-19.
UMnu. Robert Ndlovu, okhangelane lokusungulwa kohlelo lolu eNkuba Primary School, uthi abantwana besikolo, ababalisi lezakhamizi bayaluthakazelela kakhulu uhlelo lolu. Kuzasetshenziswa ama-memory sticks ekuthapheni izifundo kuma computers njalo lama radio sets.
Kusungulwa uhlelo lwama computers eNkuba Primary School eNkayi esabelweni seMatabeleland North. (Courtesy Photo)
UNdlovu uthi izifundo ezihlelwe ngababalisi ezifakwe kuma memory sticks zizalalelwa ngabantwana emkhaya lesikolo kuma radio sets.
Uthi labo abangelakho lokhu emakhaya, bakhangelelwe ukuba bazathola izifundo esikolo lapho abazahlala ngendlela eyethulwe nguhulumende ebizwa ngeSilungu ngokuthi yi-social distancing.
UNdlovu, osefundise ababalisi indlela zonke zokusebenzisa ama-computers lokunye esikolo lesi, uthi sebesakha i-website yeNkuba Primary School elakho ukusebenzisa i-satelite lomlilo we-solar.
Your browser doesn’t support HTML5
Kusungulwa Uhlelo Lwama Computers eNkuba Primary School