Kuhlelo lwamasiko lokuphila kwabantu nsukuzonke, ngoLwesibili sixoxe ngokulondolozwa kwezinyamazana zasendle.
Izolo kade lingabulawa ibhubesi, isesabeka inkakha lezinye izinyamazana zasendle. AbakoSibanda kade bechila amakhala nxa umuntu esidla isilwane, iwobo, intuhu, iduha lokunye okufanayo.
Bekuzila njalo koDube ukudla idube kuthi-ke abakoMpofu besesaba impofu lezinye izinyamazana ezinjengayo.
Akusizibongo lezitemo kuphela akade kusetshenziswa ukunqabela ukubulawa kwezinyamazana mahlayana njengoba kwakuzila ukubulala inyamazana ngesikhathi sehlobo.
Sixoxe lengcwethi kwezamasiko esintu uMnu. Saul Gwakuba Ndlovu loMnu. Thandeko Zinti Mnkandla.
UNdlovu uthe izibongo zazisebenza ngendlela ephakeme ukulondoloza imvelo lezinyamazana zasendle loba nje abanye abantu babengelazibongo ezivela enyamazaneni.
Your browser doesn’t support HTML5
Ingxoxo Esiyenze LoMnu. Saul Gwakuba Ndlovu LoMnu. Thandeko Zinti Mnkandla