Inhlanganiso yeZimbabwe Peace Project (ZPP) ithi uhulumende kaMongameli Emmerson Mnangagwa usehlukumeza abantu njengalokhu okwakusenziwa ngowayengumongameli, uMnu. Robert Mugabe.
Inhlanganiso le yethule umbiko lo ngoLwesithathu olesihloko esithi ‘Human Rights Violations’ esophenyo lwenyanga ephelileyo obeluhlolisisa okuhambelana lelungelo loluntu.
Inhlanganiso yeZPP ithi uhulumende kaMnangagwa ukhanya eqhubekela phambili ebopha abantu abasebenzela inhlanganiso ezizimele zodwa abetheswa amacala okuthi babezama ukugenqula uhulumende.
Kulabayisikhombisa abasentilongweni okwamanje ababotshwa ngoNkwenkwezi bevela emhlanganweni kwele Maldives owabanika amaqhinga okulungisa okuhluphayo elizweni kungasetshenziswa ubudlwangudlwangu.
Uhulumende uthi abantu laba bafuna ukususa uMnangagwa labanye bakhe esikhundleni okungekho emthethweni.
Inhlanganiso yeZPP ithi uhulumende usesebenzisa amaphephandaba anje Herald lamanye ukubahlasela njalo lokuqamba amanga ngokwenziwa ngabantu abasebenza kunhlanganiso ezizimele zodwa. Kasenelisanga ukukhuluma leziphathamandla zikahulumende ngalokhu.
Ukuhlaziya udaba lolu, sixoxe loMnu. Believe Gaule, owake wamela iTsholotsho edale leSenate, labalandeli bomsakazo weStudio 7.
UGaule uthe kulabanye abantu abafuna ukugenqula uhulumende weZimbabwe abenza okungaqondanga.
Kodwa uMnu. Clement Moyo, olwela ilungelo likazulu labalandeli bomsakazo weStudio 7, bathe uGawule usenga ezimithiyo nxa esithi kulabantu abafisa ukugenqula uhulumende weZimbabwe ngakho-ke abantu abanjalo kumele babotshwe.
Your browser doesn’t support HTML5
Uhulumende kaMnangagwa Uzondisa Uzulu