Abantu bakwele Zimbabwe bakhuthazwa ukuba bathuthukise abasifazana.
Inkuthazo le yenziwe nguNkosikazi Sithembiso Nyoni, umphathintambo obona ngezabesifazana kuhulumende weZimbabwe, labalwela ilungelo labomama.
UNkosikazi Busi Bhebhe. (Photo: Busi Bhebhe Facebook page)
UNkosikazi Nyoni uthi kuqakathekile ukwenza lokhu ngoba omama yinsika yemizi, amabhizimusi lokunye okutshiyeneyo.
Uthi kuyajabulisa ukuba ilizwe leZimbabwe liyazama ukuthuthukisa abesifazane.
Olwela ilungelo labesifazane, uNkosikazi Busi Bhebhe, uthi kunengi okubhekane labesifazane.
UNkosikazi Bhebhe uthi imithetho yelizwe isekela ukuthuthukiswa kwabesifazane kodwa kukhanya engani inkokheli yelizwe kayenzi kahle.
UNkosazana Florence Ndlovu. (Photo: Facebook page, Florence Ndlovu)
Omunye njalo olwela ilungelo likazulu, uNkosazana Florence Ndlovu, uthi usuku lweInternational Women’s Day kalutsho lutho ikakhulu nxa umnotho welizwe ubhidlika.
Uthi abesifazana bazaqhubekela phambili besenza imisebenzi ephansi.
Uphinde wathi akuncedi ukuba lamalunga edale lephalamende amanengi awesifazane.
Usuku lwabesifazane lonyaka lunanzwa ngaphansi kwesihloko esithi “I am Generation Equality: Realizing Women’s Rights”.
Your browser doesn’t support HTML5
Kunanzwa Usuku Lwabomama Abanye Bekhonona Ngokuthuthukiswa Kwabo