Abalobi bakhathazwa yikwehla kohlonzi lwezingwalo alotshwa ngabalobi abathi badinga imali ngamehlo abomvu okwenza ukuthi bazidindele ingwalo ezingahlelwanga ngemfanelo.
UNkosikazi Virginia Phiri
Bethule lokhu emhlanganweni wabalobi eHarare ngesikhathi kulungiselelwa umbukiso weZimbabwe International Book Fair oqala ngoLwesithathu eHarare.
Ingcwethi zokuloba zithi sokulabantu abanengi abazidindela ingwalo eziphuma zingaphathwanga ngemfanelo.
UNkosikazi Virginia Phiri uthi abanye abadinda ingwalo bayesaba ukudinda okungani kuyabasinda.
“Uthi usiya kubo publisher into obhala ngazo ziyinkinga into ezinga vunyelwayo into ezesabekayo labo besabe ngoba bela ma border abo labo besabe ukuthi ah abantu sebezakuthini ngokunjalo oVirginia vele sebebhala okungaqondakaliyo, kanti into zonezo eziyimfihlo zenza ukuthi abantu baphumelele babone ukonakala kwezinto. Ungalifihla fihla ibhuku akuphumi.”
UVirginia ngomunye wabasungula inhlanganiso yeWomen Writers njalo olengwalo ezilodumo ezigoqela elithi Desperate Destiny, Grey Angels, Highway Queen loluthi Robbed of Dignity kanye lama anthology amanengi ezidindela yedwa okuthiwa yiself-publishing.
UMnu. Joseph Lubanda
Ingcwethi kwezengwalo ofundisa ekolitshini leKwame Nkrumah University kwele Zambia, uSikwicamfundo Joseph Lubanda Mate, uthi abantu kumele baqakathekise umsebenzi wokubhala.
Uthi wenza uphenyo kwabohlobo lweSiTonga labe Tokaleya abatholakala ngezansi yeZambia ukuze imbali yesiko labo ibhalwe phansi ilondolozeke.
Uqhubeke ethi kuyadingakala ukuthi indimi okugoqela ezikhulunywa ngabalutshwana zibhalwe phansi, lolwazi lwendulo kungaba ngezokwelapha, ukulungiswa kwezinto, inganekwane lokunye konke, kube kungwalo lolulwazi ludluliselwe phambili.
Abalobi bathi kakubuyelwe kundlela zakudala zokuloba ingwalo ukwenzela ukuthi kulotshwe ingwalo esilohlonzi.
Your browser doesn’t support HTML5
Udab Esilethulelwe Ngu Mark Peter Nthambe