Abalimi abanengi emaphandleni bakhala ngendlala lokuswelakala kwamadlelo okubangwe yikungani kwezulu lonyaka.
Abalimi esikhulume labo abahlala eGwanda, Esigodini, eJotsholo lezinye indawo bathi uhulumende kumele angenele ukwenzela ukuthi abantu bengabulawa yindlala.
Bathi amadlelo asegundeke okokuthi inkomo sezisidla utshani obulenhlabathi njalo ezinye sezicuba.
UMnu. Thembelani Moyo, ohlala eLupane, uthi kuyesabeka okusemaphandleni.
“Isimo lonyaka izulu kalinanga. Amanzi emfuleni kukhwamalele akulamanzi ngitsho njalo abantu emasimini asivunanga lutho. Sikhangelele ukuthi umhlaba wonke jikelele usincedise ikakhulu inhlanganiso ezinjenge World Vision. Abantu bengafa nxa kungelancedo lolu.”
Uphinde wathi izifuyo sezithwele nzima ngamanzi okunatha njengoba izulu lingananga.
Your browser doesn’t support HTML5
Ingxoxo Esiyenze LoMnu. Thembelani Moyo
Omunye umlimi, uMnu. Mcebisi Ndlovu, ohlala Esigodini esabelweni seMatabeleland South, uthi amadlelo asegundeke okumangalisayo njalo kuzakuthi kufika ekupheleni kuka Nhlangula sokungasela tshani lokunye okudliwa zinkomo, imbuzi, amadonki lokunye.
Your browser doesn’t support HTML5
Ingxoxo Esiyenze LoMnu. Mcebisi Ndlovu
EleZimbabwe libhekane lendlala emangalisayo lonyaka ngenxa yokuswelakala kwezulu.