Abadabuka eZimbabwe abahlala kwele South Africa sebetshele umsekeli kamongameli welizwe leli ukuba kabasoze benelise ukuthola amaphepha amatsha okuhlala kulelolizwe kulandela umbiko owethulwe lidale labaphathintambo bakahulumende othi sokuzavalwa uhlelo olweSpecial Zimbabwean Exemption Permit.
UMnu. Ngqabutho Mabhena, umgcinisihlalo wenhlanganiso yeZimbabwe Community in South Africa, uthi benze umhlangano izolo lomsekeli kamongameli, uMnu. David Mabuza, esigodlweni sengonyama Kwamhlanga.
UMabhena uthi batshele uMabuza ukuba abalamaphepha la abadabuka eZimbabwe inengi labo ngabasuka eMatabeleland lapho okwaba lombhuqazwe weGukurahundi. Abalamaphepha la bafika phose inkulungwane ezingamakhulu amabili – 178,000.
Your browser doesn’t support HTML5
Ingxoxo Esiyenze LoMnu. Ngqabutho Mabhena
Uhulumende wakwele South Africa uthi kumele belungise amaphepha okusebenza lokuhlala kulelolizwe kusiyafika ekupheleni kuka Mpalakazi ngomnyaka ozayo.
UMabuza utshele abasemhlanganweni lo ngoLwesibili ukuba uzakhulumisana lengonyama leziphathamandla zikahulumende ngodaba lolu.
Your browser doesn’t support HTML5
Okwethulwe Ngumsekeli Kamongameli uMnu. David Mabuza
UMabuza utshele abasemhlanganweni lo izolo ukuba uzakhulumisana lengonyama leziphathamandla zikahulumende ngodaba lolu.