UMongameli Emmerson Mnangagwa uthi ilizwe leZimbabwe lizavalwa ngci kusukela ngoMvulo ngeviki ezayo kusenzelwa ukuvimba ukumemetheka komkhuhlane weCoronavirus COVID-19.
UMnangagwa, owethule umbiko lo ngoLwesine kusihlwa, uthi kumele abantu balandele isinqumo lesi ngoba uzulu ulakho ukugula umkhuhlane lonxa engephula imilayo kahulumende.
“Kusukela ngoMvulo mhlaka 30 Mbimbitho, 2020, kumele ukuthi abantu bonke bahlale ezindlini zabo okwamalanga angamatshumi amabili lanye (21) sise siguqule isinqumo lesi. Ngesikhathi lesi abazavunyelwa ukuphuma ezindlini yilabo abadinga uncedo ezibhedlela, abadinga ukudla, imithi njalo labanika ukulu izinto eziqakathekileyo.”
UMnangagwa uthi benza lokhu loba kulabantu abahlanu kuphela abalomkhuhlane weCOVID-19. Omunye wabo, uZororo Makamba, wabhubha ngoMvulo.
Uthi basebenza leziphathamandla zikahulumende ezikunhlangothi ezitshiyenyo ezikubone kufanele ukuthi ilizwe livalwe ngci njengamanye ngoMvulo.
Uthi uhulumende ubona engani igcikwane leCoronavirus lingamemetheka ngamandla nxa kungavinjwanga indlela abantu abaphila ngayo.