UBulawayo uveza ukukhathazeka ngokubhaliswa kwamalunga ebandla leCitizens Coalition for Change amabili ndawo yinye eziqintini ezimbili zakoBulawayo lapho abafisa ukuncintisa kukhetho lwamaBy-Elections bebephanyeka amabizo abo izolo kuNomination Court.
Namuhla uMnu. Bekithemba Nyathi, obefuna ukuncintisa kuWard 9, ubhalele ababona ngezokhetho abeZimbabwe Electoral Commission ethi usededela uMnu. Donaldson Mabuto ukuba amele ibandla leCCC njalo usebhalele ibandla elazisa ngenyathela asethe walithatha.
Isakhamuzi sakoBulawayo uMnu Mehluli Mloyi ngomunye wabasola okwanzakala kulolukhetho lwamaBy-Elections koBulawayo.
“Lokhu kuyadanisa sibili thina besikhangelele ukuthi kuzakuba lenguquko baqale konke kakutsha njengoba sebezibiza ukuba yiCCC ukuze sazi ukuba bayaphi, okwezolo ukuba kubelabantu ababili kuWard linye akusinto elungile kuzabangela ukuba iZANU inqobe abazabe ukuba baguqule izinto benze ngendlela etshiyene lalapho besaseyiMDC.”
UMnu. Brain Murandu uthi Kutshengisela ukungahlelekanga ebandleni leli.
“Lokhu kutshengisela ukuba kuleconfusion lobudlwangudlwangu buye abazange baye kumaprimaries bazanqotshwa bengekela ukulungisisa lokhu.”
Osekela ibandla leCCC, uMnu John Gama, uthi kuyadanisa kutshengisa ukudonselana.
“Thina njengabasekeli beCCC kuyasidanisa okwenzakale izolo ngoba kutshengisa ukuba abantu bakhona bayadonselana bafuna ukutshengisa ukuthi olamandla ngubani inkunzi, kuyasidanisa kakhulu thina njengamasupporters.”
Isikhulumi sebandla leCCC koBulawayo uMnu Swithern Chirowodza uthi ibandla lakhe liphakathi kokulungisisa leliphutha.
"UMnu Bekithemba Nyathi usethe wadedela uMnu Donaldson Mabuto kuWard 9 kuthi kuWard 26lokhe siphakathi kokuhluzizisa ukuba kungabe kuhambenjani ukuba labantu ababili thina besikhangelel ukuba lomuntu oyedwa ngakhoke siphakthi kokukulungisisa ukuze siye ekhethweni sihlelekile njengbandla leCCC."
Lisiyatshona ilanga lalamhlanje isiqinti sikaWard 26 EMganwini koBulawayo, abamele ibandla leCCC bekulokhe kungoMnu. Norman Hlabano lo Mpikelelo Moyo.
Kulandela ukuqhamuka kobhubhane lweCovid-19 umgcinisihlalo wekhomishini ebona ngezokhetho-iZimbabwe Electoral Commission, uNkosikazi Priscilla Chigumba NgoLwezi 2020 wamisa ukuqhutshwa kwama By-Elections elandela umthetho uS.I 225A 2020 owabunjwa lugatsha lwezempilakahle belandela iziqondiso zokumelana leCovid-19.
Usahluko 159 wesisekelo sombuso weZimbabwe uyaqinisa ukuvumela ukuphathwa kwamaBy-Elections Phakathi kwenyanga ezintathu. NgoZibandlela 26, kuyonale inyanga uMongameli Mnangagwa wazise ukuba kuzakuba ledale lokuphanyeka amabizo alabo abazamela amabandla abo kuthi NgoMbimbitho mhlaka 26 kuphathwe ukhetho.
AmaBy-Elections aqhutshwanje ukudinga amalunga edale lephalamende lamakhansila azathi amenyezelwe yiZEC ngemva kokuqhuba kuhle iNomination Court lapho okuvele khona ukuba ibandla leCCC libelabantu ababili kuWard 26 lakuWard 9.