Ikhomishini ebona ngezamalungelo kazulu iZimbabwe Human Rights Commission inanze usuku lolu koBulawayo enkundleni yeZimbabwe International Trade Fair ngokuqhuba umdlalo wemfundiso oweSchool Quiz Festival on Human Rights Education.
Ikhomishini le ikhuthaze ukulondolozwa kwamalungelo ezemfundo ngesikhathi ilizwe libhekane lomkhuhlane weCOVID-19. Usuku lolu lonyaka lunanzwa phansi kwesihloko esithi “Recover, Better-Stand up for Human Rights.
Umsekeli wakhe uKhomishina Dorothy Moyo uthe bakobone kufanele ukuba umcimbi wosuku lolu omkhulu wenzelwe koBulawayo.
Bakunanzwa usuku lweInternational Human Rights Day koBulawayo. (VOA)
“Lamhlanje koBulawayo besinanza iInternational Human Right Day sikhethe uBulawayo ngoba uhlelo loMdlalo mfundiso lweSchool Quiz luqale lesigodlweni ngakho lonyaka silapha koBulawayo sizabhoda zonke izigaba zelizwe ngaloluhlelo. Siqale kuviki edlule ngoMgqibelo lezikolo ezilitshumi lambili sasala lezine ezithe zangena kuSchool Quiz lamhlanje saphuma lesikolo sePumula High School esinqobe ezinye ezibalisa iMandwandwe, Evelyn leTownsend High School. Lonyaka indikimba yethu ithi ‘Recover Better- Stand Up for Human Rights’. Sikhethe iSchool Quiz ngoba sinanzelele ukuthi abantwana yibo inkokheli zakusasa ngakho amalungelo oluntu kumele bawazi aqalele kibo.”
Evula okusemthwethweni ukunanzwa kwelanga leInternational Human Rights Day, umsekeli kamphathintambo wePrimary and Secondary Education, olilunga ledale lephalamende eMatobo North, uMnu. Edgar Moyo, ubonge kakhulu iZimbabwe Human Rights Commission ngokuqhuba uhlelo lweSchool Quiz.
“llanga lalamuhla libelihle kakhulu kulandela ukusebenzelana kweMinistry yePrimary and Secondary Education leZimbabwe Human Rights Commission ekuqhubeni iSchool Quiz ukuthi umphakathi azwisise ukuthi amaHuman Rights atshoni. Kunengi abakufundileyo ngamalungelooluntu kulabo abangene uhlelo lolu labakade belalele emsakazweni.”
Ongene iSchool Quiz Festival on Human Rights Education ngoLwesine koBulawayo, uJuniot MP,
eMagwegwe Constituency, uPercy Sibanda, uthi amalungelo abo ezemfundo athe ahlukunyezwe ngumkhuhlane weCOVID-19.
“Uma sikhangele ezemfundo silelungelo lokuthi sithole imfundo kodwa singananzelela isitha esiyiCovid-19 senqabele ukuba sithole imfundo kodwa akubelamaqhinga angasetshenziswa ukuthola lelilungelo ngokugcweleyo.”