Ezinye izizalwane zeZimbabwe ezihlala kwele Melika zithi sezikwazi ukuthi zizavotela bani kukhetho lokudinga umongameli welizwe leli oluzakwenziwa kunyanga ezayo.
Zithi ingxoxo mpikiswano eyenziwe ngeSonto nguMnu. Donald Trump okubandla lama Republicans loNkosikazi Hillary Clinton okubandla lama Democrats ikuveze sobala ukuthi ngubani olakho ukuthuthukisa umnotho kazulu eMelika nxa engakhethwa ukuba ngumongameli.
Kungxoxo mpikiswano le bekulokulwisana okumangalisayo kulandela okwethulwe liphephandaba leWashington Post litshengisa ukuthi uTrump wayezitshaya isifuba ngokwenza okungalunganga kwabesifazane.
Esikhulume labo kulandela ingxoxo mpikiswano le bathe uClinton, onqobe uTrump, ukhuluma okuzwakalayo kulo Trump.
Omunye wabo, uMnu. Dan Moyo okubandla leMovement for Democratic Change, uthe kusobala ukuthi uClinton ufuna ukulwela uzulu.
UMoyo uthe uzavotela uClinton njengoba ubona engani uzakwenza okunengi akukhulumayo ngesikhathi ekhankasela ukuba ngumongameli weMelika.
Isikhundla lesi okwamanje sibanjwe nguMnu. Barack Obama.
Your browser doesn’t support HTML5
Ingxoxo loMnu. Den Moyo