Uhulumende kaMongameli Emmerson Mnangagwa ufuthelene ngesinqumo somthethwandaba weHigh Court esithi kwephula umthetho ukwengezwa kwesikhathi sokusebenza kuka Mnu. Luke Malaba obengumahluli omkhulu welizwe, uChief Justice.
Umphathintambo wezemithetho eZimbabwe, uMnu. Ziyambi Ziyambi, wethule umbiko ojulileyo izolo kusihlwa lapho aveze khona ukuba uhulumende uthukuthele ngodaba lolu. UZiyambi uthi kukhanya engani kulabantu abafuna ukugenqula uhulumende besebenzisa imithethwandaba.
Kukhangelelwe ukuthi uhulumende uzaphanyeka udaba lolu emthethwandaba. Inggwetha elilwela amalungelo kazulu, uMnu. Matshobana Ncube, uthi kuyamangalisa okwethulwe nguhulumende.
Uthi kusobala ukuthi abahluli bonke ababotshiswayo bangeke bathonisa udaba lolu.
Abakubandla leZanu PF bazonde bagan’unwabo ngodaba lolu. UDokotela Simba Mavaza, oligqwetha elizimeleyo, uthi ukuhumende ulelungelo lokuphanyeka udaba lolu emthethwandaba.
“Kunengi okwenza ukuthi uhulumende aphanyeke udaba lolu emthethwandaba. IHigh Court bekungamelanga ihlale phansi iphume lesinqumo lesi engani bamele iSupreme Court. Ngakho-ke kutsho ukuthi isinqumo sabo kasilamnkantsho ngaphandle iConstitutional Court ingasemukela. Okwesibili akulangqondo ukuthi yindaba abahluleli laba bethonise udaba lolu bebathathu. EHigh Court kuvele kukhangelelwe ukuthi kumele kubelomahluli oyedwa. Kukhona okutshaya amanzi lapha ngoba abanye abezombusazwe bangenele kudaba lolu.”
UMavaza uthi imithethwandaba isibanjwe ngenkani ngabaphikisa uhulumende.
“Kuliqiniso ukuthi umthethwandaba usuqanjulwe ngabaphikisa uhulumende. Sokulempi khonamanje eyokuzama ukususa esikhundleni uhulumende. Behluleka ukwenza lokhu besebenzisa izijeziso zenotho. Okwamanje sebesebenzisa amanye amazwe, inhlanganiso ezizimeleyo kanye lemithethwandaba. Umthethwandaba uyingxenye kahulumende. Sisenkingeni ngokuhluthunwa kwemithethwandaba.”
Uthi loba kunjalo kukhona okungenziwa ukuze udaba lolu luthoniswe eSupreme Court.
“IJudicial Service Commission ilakho ukucela umongameli ukuthi adinge abanye abahluleli. Balakho njalo abahluleli abafakwe ngenkani kudaba lolu ukuba baluthonise oluzaphanyekwa nguhulumende. Kuyenzekala ukuthi iJudicial Service Commission idinge abanye abahluleli abanjengalabo asebezihlalele ezindlini zabo.”
Bekulemibiko ethi omunye wabahluli abathonise udaba lolu, uJustice Happias Zhou, usebotshiwe. Isikhulumeli samapholisa, uAssistant Commissioner Paul Nyathi, uthe kazi lutho ngalokhu. Abanye abathonise udaba lolu izolo, obeluphanyekwe emthethwandaba yinhlanganiso yeYoung Lawyers Association of Zimbabwe, eHigh Court nguJustice Jester Charewa, loJustice Edith Mushore.
Your browser doesn’t support HTML5
Uzabiselwa Esikhundleni Na uLuke Malaba Obengumahluli Omkhulu Wemithethwandaba eZimbabwe?