Izisebenzi zikahulumende ezikuhlangothi lwezempilakahle sezikhalale umsebenzi zisithi sezisehluleka ukuziphilisa ngenxa yeholo eliphansi.
Izisebenzi lezi, ezigoqela abongi labongikazi, odokotela, ababelethisa abantu, abahlola umzimba, abahlinza abantu behlola imikhuhlane, abahola amathambo abantu, abasebenza emawofisini labanye, zilobele uhlangothi lweHealth Service Board ingcwadi ejulileyo zisithi zifuna ukuholisa amadola eMelika hatshi amabond angala sisindo.
Abanye abatshengisele esibhedlela eUBH koBulawayo. (Bathabile Masuku)
Zithi iholo labo elifika inkulungwane ezintathu zamadola eZimbabwe ZWL$3,000 kalisabaphilisi ngemfanelo njengoba sesikhuphukile isilinganiso semali yabantu abaphila emadolobheni sayafika phose kunkulungwane ezilitshumi zamadola – ZWL$8,500 ngenyanga.
Ziphinde zathi kuyamangalisa ukuthi uhulumende wehluleka ukubanika imali ayithembisa ekuqaleni komnyaka ayethe izanikwa izisebenzi ukwenzela ukuthi zenelise ukuziphilisa.
Ekhuluma ngodaba lolu, uDokotela Paulinus Sikosana, umngcinisihlalo weHealth Service Board, uthe bazakhulumisana lezisebenzi babona abangakwenza lobanje kukhanya kunzima ukuthi bahole idola leMelika.
Bazondile abongi labongikazi. (Bathabile Masuku)
Izisebenzi zikahulumende ezikuhlangothi lwezempilakahle sezikhalale umsebenzi zisithi sezisehluleka ukuziphilisa ngenxa yeholo eliphansi.
Izisebenzi lezi, ezigoqela abongi labongikazi, odokotela, ababelethisa abantu, abahlola umzimba, abahlinza abantu behlola imikhuhlane, abahola amathambo abantu, abasebenza emawofisini labanye, zilobele uhlangothi lweHealth Service Board ingcwadi ejulileyo zisithi zifuna ukuholisa amadola eMelika hatshi amabond angala sisindo.
Zithi iholo labo elifika inkulungwane ezintathu zamadola eZimbabwe ZWL$3,000 kalisabaphilisi ngemfanelo njengoba sesikhuphukile isilinganiso semali yabantu abaphila emadolobheni sayafika phose kunkulungwane ezilitshumi zamadola – ZWL$8,500 ngenyanga.
Batshengisela esibhedlela seUBH abongi labongikazi. (Bathabile Masuku)
Ziphinde zathi kuyamangalisa ukuthi uhulumende wehluleka ukubanika imali ayithembisa ekuqaleni komnyaka ayethe izanikwa izisebenzi ukwenzela ukuthi zenelise ukuziphilisa.
Ekhuluma ngodaba lolu, uDokotela Paulinus Sikosana, umngcinisihlalo weHealth Service Board, uthe bazakhulumisana lezisebenzi babona abangakwenza lobanje kukhanya kunzima ukuthi bahole idola leMelika.
Kusenjalo, abongi esibhedlela seUnited Bulawayo Hospital, babeke amakhuba phansi batshengisela bekhonona ngeholo besithi liphansi kakhulu. Bathi njalo imali eyengezwe nguhulumende incane kakhulu kanye laleyo eyokumelana lecoronavirus iCOVID-19 allowance.
Abongi laba batshengisele behlabela njalo bephethe amabhahane alotshwe izikhalazo zabo ezitshiyeneyo.
Okwenzakale koBulawayo ngoLwesithathu. (Bathabile Masuku)
UMnu. Antony Majongosi, umgcinisihlalo wenhlanganiso yabongi eyeZimbabwe Nurses Association (ZINA) esibhedlela seUBH, uthi bafuna iholo elizakwenza ukuthi baphile kahle.
Lokhu kusekelwe nguMnu. Nicholas Chitore, umgcinisihlalo weZINA esabelweni sakoBulawayo, othi kuyadanisa ukuthi abantu bakhangelelwe ukubakhona emsebenzini sikhathi sonke kodwa kungakhangelwa izikhalazo zabo.
UMnu. Charles Jele, omunye wabongi, uthi isikhathi sesiside lokhe besebenza nzima izikhalazo zabo zinga nanzwa.
UNkosikazi Mollen Zulu uthi bafuna ukubhadalwa ngedola leMelika ngoba sebesehluleka ukuthenga impahle etshiyeneyo.
“Kumele sithenge ukudla, sihlawule lemfundo yabantwana lokuthenga okumele sikusebenzise nzukuzonke. Kunzima imali ayeneli ngoba khathesi sihambile sayahola. Ukuthwala ibhasikiti eyi-one awuthenganga mpuphu, awuthenganga lutho kodwa kuyabe sokubhale 2,800 awuthenganga basic need izinto ziqalela ku300, 400 bond. So, ukuthi besinike iUSD is the best ngoba aliwi liyabe lilokhe limi. Ibond asisalifuni.
UNkosikazi Nomusa Moyo, obesesibhela esiyahlolwa, uthi lokhu kuyadanisa ngoba kuzenza inengi lingatholi usizo bona benga philanga kuhle.
Your browser doesn’t support HTML5
Udaba Esilethulwe NguBathabile Masuku