Ukugwetshwa kowesilisa ukuyapika iminyaka phose elitshumi ngemva kokuthelela owangakwakhe igcikwane lengculaza sokuqalise ingxoxo mpikiswano ngemithetho ehlawula lokhu lokuthi abantu bangazivikela njani ekutholeni leli gcikwane. UNothando Sibanda usipha loludaba.
Izisebenzi zeMelika namuhla zikukhefu leLabor Day uMongameli Barack Obama ekhangelelwe ukwethula umlayo obamba amankampani aqatshwe nguhulumende ukuthi ahlawule izisebenzi zawo nxa sigula.
Kwezemidlalo…. Umqeqetshi weqembu elimela isizwe emdlalweni wenguqu elama Warriors uKallisto Pasuwa uthi isikhathi esifitshane esokulungiselela umdlalo siphazamise abafana bakhe emdlalweni wabo leqembu le Guinea wona ophele zingutshiki lobhanqa 1 ka 1 ngeSonto.
Kuhlelo lweLivetalk namuhla sikhangela umdlalo wenguqu ophakathi kweqembu leZimbabwe Warriors leleGuinea ophele uyi 1 ka 1 eHarare ngeSonto. Lingakhuthwa yilezi ndaba lezinye kuStudio 7 ngo 8 ntambama kumagagasi athi 909 AM kumbe 4930 lo15455 Shortwave.
Your browser doesn’t support HTML5
Studio 7 - Indaba Ezimqoka NgoMvulo - Mpandula 7, 2015