Ubulembu beInternet obusetshenziswa nguzulu sobuvaliwe eZimbabwe okwenza ukuthi abantu bengenelisi ukungena enkundleni zokuxhumana ezinjenge Facebook, iTwitter kanye leWhatsApp.
Uhulumende uvalise ubulembu lobu ngesikhathi abantu betshengisela emigwaqweni besola ukugugudeka komnotho eZimbabwe, ukukhutshulwa kwentengo yamafutha ezimota lokunye okumbalwa. Kubikwa ukuthi uhulumende utshele inkampani yePosts and Telecommunications Regulatory Authority of Zimbabwe ukuthi ivalise ubulembu lobu obethulelwa uzulu ngamankampani agoqela iEconet Wireless, NetOne leTelecel Zimbabwe.
Asenelisanga ukukhuluma ngodaba lolu leziphathamandla zikahulumande, ezePOTRAZ lezamankampani amathathu la.
Abazi ngokwenzakalayo bathi uhulumende wenze lokhu esenzela ukuvimba ukuthi abantu bengabikelani ngokutshengisela emigwaqweni okuqale izolo.
UMnu. Believe Gaule, okubandla leZanu PF, utshele iStudio 7 ukuthi uhulumende uvimbe ubulembu lobu esenzela ukuvikela abantu kokunye okwethulwa kuFacebook, Twitter leWhatsApp.
Your browser doesn’t support HTML5
Ingxoxo Esiyenze LoMnu. Believe Gaule
UMnu. Robert Ndlovu, ingcwethi kwezobulembu beInternet, uthi uhulumende uvimbe ubulembu beInternet esesaba ukuthi abantu bazatshengisela ngamandla emigwaqweni endaweni ezitshiyeneyo zelizwe.
Your browser doesn’t support HTML5
Ingcwethi Kwezobulembu beInternet Ithi Uhulumende Nguye Ovimbe iFacebook leWhatsApp