Luqhubekela phambili udobo lwamafutha ezimota eZimbabwe kulabanye asebewathengisa emkambo wensitha ngedola leMelika kulandela ukuvunyelwa kwabathengisa amafutha epetrol le-diesel okusemthethweni ukuthi bawathengise ngedola.
Lokhu kulendwendwe kwamanye amagalaji eHarare lobanje uhulumende esevumele abanye ukuba bathengise amafutha ezimota ngedola leMelika. Amafutha le athengwa yilabo abaledola leMelika kuthi abangelalo badinga amafutha emagalajini athengisa ngama bond notes.
Amafutha epetrol abiza imali esuke ku$1,10 kusiyafika i$1,20 kusilinganiso se-liter. Abantu abanengi bathi kabenelisi ukuthola imali engaka eyokuthenga amafutha ezimota.
Amanye amagalaji athengisa amafutha ngedola leMelika agoqela eleZUVA Petroleum, Total leGlow Petroleum lapho okulokhu kulendwendwwe.
Egalajini leTotal kumgwako ka Samora lo5th Street omunye othengisa amafutha ubethela ezigumbini engathengiseli abalezimota.
Kwelinye igaraji eliseceleni ledale lephalamende bekulendwendwe ezimangalisayo.
Umtshayeli obedinga amafutha ezimota, uMnu. Brighton Mudzingwa, uthi bathwele nzima.
Lokhu kusekelwe ngomunye odinga amafutha ezimota, uMnu. Chuma.
“Ukuthi sitshele abadala ukuthi sibhadalise abadala i$10 akwenzi siqala sisithi $6 kodwa abadala kabalayo limali. I$10 asingeke sithi yikudula kodwa abantu kabala mali.”
Abagada imitshova amanjengo Mnu. Kudzai Sithole uthi labo bathwele amagabha avuzayo.
“Udubo lolu solusibuyisele emuva kakhulu. Isinlutshwana imitshova ethola ifuel. Ekuseni siyaphuza ukuya emsebenzini. Ezindlini sifika ebusuku ngenxa yodubo lwemitshova. Konke lokhu sokusiphambanisile kakhulu”
UMnu. Mnu Lafios Banda laye uyakhala okumangalisayo. Abanikazi bamagalaji abanengi bebesala ukukhuluma lentathelizindaba.
Udubo lwamafutha lokhe luhlupha elizweni ngenxa yokuswelakaa kwemali yakwamanye amazwe. Amagalaji athengisa amafutha ngemali engange ZW19.55 idiesel kuthi ipetrol yenza ZW18.28.
Sehlulekile ukukhuluma ngodaba lolu loMnu. Fortune Chasi, umphathintambo wohlangothi lukahulumende obona ngezomlilo kagetsi lamafutha.
Your browser doesn’t support HTML5
Abanye Sebethengisa Emkambo Wensitha Amafutha Ezimota Athengwa Ngedola