UMnu. Job Sikhala, umsekeli womgcinisihlalo webandla leMovement for Democratic Change Alliance obotshwe ngoMgqibelo, lokhu evalelwe enkambeni yamapholisa.
UMnu. Felix Mafa, umsekeli wesikhulumeli sebandla leli, uthi uSikhala ubotshelwe ukuthi wethule umbiko okuthiwa ungamanga enkundleni zokuxhumana othi ipholisa labulala umntwana owayebeletthwe ngunina.
USikhala ubotshwe ephandle komthethwandaba lapho abemele uMnu. Hopewell Chin’ono, owetheswa icala elifanayo.
Kasenelisanga ukukhuluma ngodaba lolu lesikhulumeli samapholisa, uSenior Assistant Commissioner Paul Nyathi, obengaphenduli umakhalekhukhwini wakhe.
Kukhangelelwe ukuthi uSikhala uzamiswa emthethwandaba ngoMvulo.
uChin'ono, osebotshwe kanenginengi, usentilongweni yabathoniswa amacala eChikurubi lapho okuthiwe ahlale yedwa kusenzelwa ukuthi engatheleli ezinye izibotshwa iCOVID-19.
Kubikwa ukuthi uChin'ono, obekwele South Africa, uhlangane labanye abantu abacatshangelwe ukuthi balomkhuhlane weCoronavirus.
Your browser doesn’t support HTML5
Ingxoxo Esiyenze LoMnu. Felix Magalela Mafa