Kwezombusazwe lamuhla sihlaziya osokwenziwe eZimbabwe osokukhanga amanye amazwe ukuthi azame ukuvuselela ubudlelwano lelizwe leli loba kulenkokheli eyafakelwa izijeziso zenotho.
Inhlanganiso yomanyano wamazwe awe European Union isanda kunika iZimbabwe izigidi ezinghamakhulu amabili lamatshumi ayisikhombisa - $270 million.
Imali le ngezasetshenziswa kunhlelo zentuthuko ezitshiyeneyo ezigoqela ezempilakahle. I-EU yenze lokhu loba nje uMongameli Robert Mugabe lomkakhe, uGrace, belokhe befakelwe izijeziso zenotho yiEU.
Kulequla njalo labosomabhizimusi abavele eBhilithane elisanda kwethekelela eleZimbabwe lidinga ukusungula amabhizimusi atshiyeneyo elizweni.
Loba kunjalo, kulenkokheli yebandla leZanu PF elokhe ifakelwe izijeziso zenotho ngeleMelika phansi komthetho weZimbabwe Democracy and Economic Recovery Act.
Umthetho lo uvalela labo abafakelwa izijeziso lezi ukuthi badlelane leMelika ngenxa yokuba banakanelwa ukuba baphatheka ekukhahlamezeni uzulu weZimbabwe njalo baqila ngesikathi sokhetho.
Ukuze sihlaziye udaba lolu, uGibbs Dube weStudio 7 uxoxe loMnu. David Ndlovu okudale leCentral Committee kubandla leZanu PF loMnu. Godwin Phiri ingcwethi yezombusazwe ezimele yodwa. UNdlovu usungula loludaba.
Your browser doesn’t support HTML5
Ingxoxo Esiyenze LoMnu. David Ndlovu LoMnu. Godwin Phiri