Abalandeli baka Mnu. Saviour Kasukuwere bathi ibandla elibusayo selifuna ukugenqula impumela yokhetho lwezabelo olusanda kwenziwa ngoba abantu bavotele abanye abacatshangelwa ukuba basekela uKasukuwere, owaziwa ukuthi ukhokhela icele leGeneration 40.
UMnu. Ntokozo Msipha, isikhulumeli senhlanganiso yeTyson Wabantu esekela uKasukuwere, uthi ukhetho olusanda kwenziwa luveza ukuba abantu abanengi kabasekeli uMongameli Emmerson Mnangagwa, owangena esikhundleni kulandela ukususwa kowayengumongameli, umuyi uRobert Mugabe, ngomnyaka ka2017.
UMsipha uthi bethukile abakhokhela ibandla leli ngempumelo yokhetho lwezabelo.
Your browser doesn’t support HTML5
Ingxoxo Esiyenze LoMnu. Ntokozo Msipha
Kulabanye njalo akade bencintisa kukhetho lolu abathi baqilwe yilabo abathakazelelwa yinkokheli yebandla leli.
UMnu. Mike Bimha, okhokhela uhlangothi olubona ngokukhankasela ukuba abantu bangene kubandla leli, uthi akumelanga abakhethiweyo beqale ukwenza amadili ngoba idale lePolitburo lizahlolisisa ukhetho lolu.
UBimha uthi kulabanye abakhonona ngempumela yokhetho lwezabelo.
UMnu. Believe Gaule, okubandla leZanU PF, uthi uKasukuwere labanye bakhe bazama ukuphazamisa okwenziwa nguMnangagwa labanye.
Your browser doesn’t support HTML5
Ingxoxo Esiyenze loMnu. Believe Gaule