Sokulezabelo ezimbalwa ezisekela uMongameli Emmerson Mnangagwa ukuthi abenguye yedwa ozangena kukhetho lukamongameli emele ibandla leZanu PF ngomnyaka ka2023.
UMnu. Obert Mpofu, obona ngenhlelo ezitshiyeneyo kubandla leli, uthi banengi abalandeli bebandla leZanu PF abafuna ukuthi uMnangagwa angene kukhetho lolu.
Uthi benza lokhu ngoba bafuna ukuthi uMnangagwa aqhubekela phambili ngenhlelo azisungula kulandela ukususwa kowayengumongameli umuyi uRobert Mugabe esikhundleni ngomnyaka ka2017.
Your browser doesn’t support HTML5
Obert Mpofu: Abantu Bafuna uMnangagwa Angene Kukhetho Oluzakwenziwa Ngomnyaka ka2023
Abalandeli bebandla leli koBulawayo namuhla bavumelene ukuthi uMnangagwa nguye ozabamela kukhetho oluzakwenziwa ngomnyaka ka2023.
Ezinye ingcwethi kwezombusazwe zithi kuyamangalisa ukuthi ibandla leli seliqalisile ukukhankasela ukhetho oluzayo ngesikhathi umnotho welizwe ugugudeka okumangalisayo.
UMpofu uthi kulungile okwenziwa libandla leZanu PF elilungiselela umhlangano omkhulu ozakwenziwa ngeviki ezayo eGoromonzi oweAnnual People’s Conference.
Your browser doesn’t support HTML5
Michael Ndiweni: Kubi Okwenziwa Libandla leZanu PF Elifuna uMnangagwa Ancintise Kukhetho Luka2023
Kodwa ingcwethi kwezombusazwe, uMnu. Michael Ndiweni, uthi okwenziwa libandla leli kuveza ukuthi kaliselandaba lozulu ohluphekayo.