Uphenyo olusanda kwenziwa yinhlanganiso ye-Afrobarometer luveza ukuba abantu lokhe besesaba ukukhuluma emphakathini ngezombusazwe.
Uphenyo lolu luveze ukuba loba nje abanye sebekhuluma ngezombusazwe bengesabi lutho, lokhe likhuphukile inani labesaba ukwethula abakucabangayo ngezokhetho langezombusazwe kwele Zimbabwe.
Okwamanje uhulumende kaMongameli Emmerson Mnangagwa uyajabula ngokuthi abantu benza santando ngesikhathi sokhetho.
UMnu. Cosmas Tshabalala, isakhamuzi sako Bulawayo, uthi banengi abantu abesaba ukukhuluma abakufisayo ngoba akukabi lenkululeko egcweleyo eZimbabwe.
“Okunye njalo yikuthi kulabantu abesaba okwehlela uzulu eMatabeleland leMidlands lapho abantu ababulawa khona ngombhuqazwe weGukurahundi.”
Uphinde wathi loba uMnangagwa ekhuluma ngokuthi sokulohulumende ohlonipha ilungelo likazulu, kusobala ukuthi abantu besaba ukuveza isimo sabo sezombusazwe.
Kodwa-ke ibandla leZanu PF lithi abantu abanengi bakhululekile elizweni ngoba akuladlakela lonyaka ngesikhathi sokhetho.
Your browser doesn’t support HTML5
Ingxoxo Esiyenze LoMnu. Cosmas Tshabalala