Abalandeli bebandla leZanu PF bathi uMongameli Emmerson Mnangagwa uqhuba umsebenzi okungcono kulalokhu okwakusenziwa ngowayengumongameli uMnu. Robert Mugabe owasuswa embusweni ngomnyaka ka2017.
Bathi uhulumende kaMnangagwa uvumela abantu ukuthi benze santando hatshi lokhu okwakusenziwa nguMugabe. Kodwa-ke abalwela ilungelo loluntu bathi uMnangagwa loMugabe zimbila zantabanye.
Bathi ukubotshwa kwabalwela ilungelo loluntu njalo lokudutshulwa kwabantu eHarare lonyaka lanyakenye kuveza ukuthi uhulumende kaMnangagwa ufana xhathu lokaMugabe.
UMnu. Believe Gaule, owake wamela iTsholotsho edale leSenate, uthi uMnangagwa ukhuthaza abantu ukuthi benze santando lobanje kumele balandele imithetho yelizwe.
Your browser doesn’t support HTML5
Ingxoxo Esiyenze LoMnu. Believe Gaule
Kodwa-ke uMnu. Clement Moyo, olwela ilungelo loluntu, uthi uMnangagwa wenza konke okwakusenziwa nguMugabe.
Your browser doesn’t support HTML5
Ingxoxo Esiyenze LoMnu. Clement Moyo