UMongameli Emmerson Mnangagwa ukhangelelwe ukuba uzafika namuhla eScotland lapho azangena umhlangano omkhulu ngoMvulo ohlolisisa ukukhudumala komkhathi owe2021 United Nations Climate Change Conference kumbe iCOP26.
UMnu. Nick Mangwana, unobhala wohlangothi lukahulumende olubona ngokwethulwa kwemibiko, ubike enkundleni yokuxhumana eyeTwitter ukuba uMnangagwa usuke eZimbabwe ekuseni elubhekise eGlasgow.
Engakasuki eZimbabwe, uMnangagwa utshele abalandeli bebandla leZanu PF emhlanganweni oweAnnual National People’s Conference ukuba ulakho ukuhlangana loMnu. Boris Johnson, okhokhela ilizwe leBhilithani labanye.
UMnu. Muneyi Xavier Zavare, okubandla leli eBhilithani, uthi sebemelele ukwamukela uMnangagwa.
Kodwa kulabanye abathi eleBhilithani akumelanga livumele uMnangagwa ukuba ethekelele ilizwe leli ngoba wephula ilungelo loluntu.
UMnu. Panyika Karimanzira, okunhlanganiso yeRestoration of Human Rights Zimbabwe, uthi bazatshengisela eGlasgow kusasa langoLwesibili bekhonona ngokwenziwa nguMnangagwa eZimbabwe.
Your browser doesn’t support HTML5
Udaba Esilethulelwe NguGibbs Dube