Annastacia Ndlovu
Amapholisa ohlangothi lweRomeo Troop ngoLwesithathu avimbe umhlangano weMthwakazi Republic Party (MRP) obusemthethweni obekumele wenzelwe eLarge City Hall koBulawayo.
Amapholisa la kade ehlome ephelele elezimota zamanzi ahitshaywe ebezimelele ukukusetshenziswa abalandeli beMRP bengalwisana labo.
umsindo.
UMongameli weMRP, uMnu. Mqondisi Moyo, ukusole kakhulu lokhu okwenziwe ngamapholisa esithi kuyamangalisa ukuthi abevumile ukuthi benze umhlangano kuleyondawo kodwa bavimba intuba yeLarge City Hall.
Amapholise ahlome aphelela avimbe umhlangano weMRP ngoLwesithathu koBulawayo.
“Umhlangano wethu ubumele uqale emini enkulu njalo silemvumo esiyithole emapholiseni kodwa bayasivimba njalo lindawo besiyihlawulele.”
Umsekeli kaMoyo, uNkosazana Presia Ngulube, uthe amapholisa ephule umthetho ngokubavimba ukuthi bengenzi umhlangano lo obungowokukhankasele ukhetho oluzakwenziwa ngoMvulo.
“Ukumiswa komhlangano akukho emthethweni futhi kusobala ukuthi kwenziwa ngabomo ngabantu abazonda ibandla lethu ampholisa angawomthetho.”
Isakhamuzi sakoBulawayo obeze emhlanganweni lo, uMnu. Mlamuleli Ncube, usole kakhulu ucuku lwamapholisa.
Induna uMdladla Ndiweni, obeze kulo umhlangano, usole inyathela elithethwe ngamapholisa.
Ibandla leli lincintisa kukhetho oluzayo.
Your browser doesn’t support HTML5
Udaba Esilethulelwe NguAnnastacia Ndlovu