Abalandeli bebandla leZanu PF bathi kunengi okuzakwenziwa nguhulumende kaMongameli Emmerson Mnangagwa ngomnyaka ozayo okuzalethela uzulu inhlalakahle.
Abakudale lephalamende bekubandla leli bathi kulemithetho eminengi abazayethula ikakhulu elakho ukuthuthukisa umnotho welizwe okwamanje ogugudeka okungapheliyo.
Abantu abanengi bathi bathwele nzima eZimbabwe ngenxa yokuswelakala kwemisebenzi, ukusilela kwemali lamafutha ezimota, lokumemetheka kwenkohlakalo elizweni.
Omunye wabasekela ibandla elibusayo, uMnu. Dingumuzi Phuthi, omele iBulilima West edale lephalamende, uthi bayakwazi ukuthi uzulu uthwele nzima lonyaka. UPhuthi uthi ibandla leli lizazama ngamandla wonke ukulungisa okuhlupha uzulu ngomnyaka ozayo.
Your browser doesn’t support HTML5
Dingumuzi Phuthi: Kunengi Okuzaguquka Ngomnyaka Ozayo
Kodwa uMnu. Edgar Ncube, omele abasakhulayo kubandla leMDC elikhokhelwa nguMnu. Nelson Chamisa esabelweni seMatabeleland South, uthi ibandla leZanu PF kalisoze lenelise ukuletha inguquko kwezomnotho lezombangazwe.
Uthi abantu abanengi bayahlupheka eZimbabwe.
Your browser doesn’t support HTML5
'Abantu Bayahlupheka Okumangalisayo'