Abalandeli baka Nkosazana Thokozani Khupe bathi kabasoze bevume ukuba axotshiswe edale lephalamende nguMnu. Douglas Mwonzora ngesikhathi kulungiselelwa umhlangano oweOrdinary Congress, okuzakhethwa khona inkokheli entsha egoqela umongameli webandla leMDC-T.
Bathi uMaKhupe ulobele incwadi uMwonzora labanye bakhe esanda kuzwa ukuthi idale leNational Council lenza umhlangano ekuphelini kuka Lwezi lakubeka sobala ukuba sokumele uMaKhupe axotshiswe ephalamende labanye okucatshangelwa ukuthi kabasebenzi kahle loMwonzora.
Abalandeli bakhe bathi uMaKhupe ukhahlanyezwa ngoba kuyaziwa ukuba anganqoba uMwonzowa kukhetho lukamongameli webandla leli oluzakwenziwa emhlanganweni lo ekuqaleni komnyaka ozayo.
UMnu. Ntando Ndlovu, omele uMaKhupe, uthi uMwonzora uyaziyenga nxa ecabanga ukuthi uMakhupe uzaxotshiswa kudale lephalamende.
Your browser doesn’t support HTML5
UNtando Ndlovu Uthi uMaKhupe Kayindawo
Kodwa uMnu. Witness Dube, isikhulumeli sebandla leMDC-T, uthi umuntu oxotshiswa edale lephalamende ngongasebenzi kahle labanye kubandla leli.
Your browser doesn’t support HTML5
UWitness Dube Ukhuluma Ngokwenziwa Nxa Kuxotshwa Amalunga Edale Lephalamende