EzeZimbabwe

'Ugwalo Lwamadokotela Oluveza Ukuthi Ibutho Labulala Abantu Lwalotshwa Ngabancediswa yiMDC'

  • Gibbs Dube

FILE: Opposition Movement for Democratic Change supporters hold spent rounds and show injuries after soldiers opened fire outside the party's headquarters in Harare, Zimbabwe, Aug. 1, 2018.

WASHINGTON — 

Ibandla leZanu PF lithi amadokotela asanda kwethula ugwalo olujulileyo ngokubulawa kwabantu eHarare ngoNcwabakazi lonyaka, ancediswe libandla leMDC elikhokhelwa nguMnu. Nelson Chamisa ekulobeni ugwalo lolu.

Lithi lokhu kuphume sobala ngoba uphenyo olwenziwe yinhlanganiso yeZimbabwe Association of Doctors for Human Rights olwenziwa emphakathini njenga lokhu okwenziwa yikhomishini ehlolisisa ukubulawa kwabantu abayisithupha eHarare lonyaka kusanda kwenziwa ukhetho.

Inkokheli yebutho ithi ibutho kalidubulanga muntu lobanje kulabomabona kude abaveza elinye isotsha lidubula abantu.

UMnu. Believe Gaule webandla leZanu PF utshele iStudio 7 ukuthi amadokotela la abephathisana lebandla eliphikisayo esenza uphenyo lolu.

Your browser doesn’t support HTML5

Ingxoxo Esiyenze LoMnu. Believe Gaule

UNkosazana Thabitha Khumalo, umgcinisihlalo webandla leMDC uthi kuyayangisa okukhulunywa ngabantu beZanu PF abakwazi kahle ukuthi ibutho labulala abantu ngoNcwabakazi.

Your browser doesn’t support HTML5

Ingxoxo Esiyenze LoNkosazana Thabitha Khumalo