Kuhlelo lokubhekane lezizalwane zeZimbabwe ezihlala kwamanye amazwe olweDiaspora, liviki sihlaziya okwehlela izihlobo labangane nxa bengafelwa besemazweni.
Zinengi izizalwane zeZimbabwe ezibhekane lohlupho lolu eBhilithane, eMelika, Australia, South Africa lakwamanye amazwe. Nxa sokulemfa emazweni, esikhathini esinengi imhuli zikhangelelwe ukudinga inkulungwane ezimbili lamakhulu amahlanu empondo zeBhilithane - 2,500pounds – ukuze isidumbu sithunyezelwe ekhaya.
Kulabo abaseMelika kufuneka inkulungwane ezingamatshumi amabili amadollar - $20,000 kuthi kwele South Africa kumele kukhokhwe inkulungwane ezingamatshumi amabili lanhlanu zama rands – R25,000 ukuthi kwenziwe lokhu kusetshenziswa indizamtshina.
Immuli ezinengi ezibalisa ekaNkosazana Pretty Xaba, umdlali wezokulingisa kumabonakude, lomunye wakhe uNevernay “Muwengwa” Chinyanga labanye, zaphuza ukuthumezela izidumbu zabo ekhaya ngenxa yokuswelakala kwemali.
Okwamanje kudingwa inkulungwane ezingamatshumi ayisithupha zamadollar eMelika yokuthumezela izidumbu zabantu abathathu abasanda kubhubha eMelika.
Ababhubhileyo laba nguNkosazana Nancy Tinoza loNkosazana Morlene Tariro Magoronga ababefunda bengaphansi kohlelo lwezemfundo oluqhutshwa yisigodlo seMelika eZimbabwe olweUnited States Students Achievers Program.
Omunye njalo ngowesifazane obhubhele eAtlanta lapho akade esethekelela khona umnthanakhe njalo ezedinga ukwelatshwa.
Ukuze sihlaziye udaba lolu, akesizwe uGibbs Dube weStudio 7 exoxa loMnu. Greatjoy Ndlovu owayekuhlelo lwezifundo lweUSAP loMnu. Ngqabutho Mabhena owenhlanganiso ekhangelane lempilo yezizalwane zeZimbabwe eyeZimbabwe Communities in South Africa.
UNdlovu oseMelika usungula loludaba.
Your browser doesn’t support HTML5
Ingxoxo Esiyenze LoMnu. Greatjoy Ndlovu LoMnu. Ngqabutho Mabhena