Esigabeni sendaba eziphathelane lezizalwane zeZimbabwe ezihlala emazweni, ngoLwesithathu sixoxe ngokwenziwa ngabesilisa ezindlini okunjengokutshintsha abantwana izitshubo, ukupheka lokugezisa imiganu.
Izizalwane zeZimbabwe ezinengi ezihlala emazweni anjengeBhilithane, eMelika, eCanada, Australia lamanye zithi ziyakwenza lokhu loba zingeke zakwenza zingabuyela ekhaya.
Labo abangayikwenza bathi besaba ukuthi uzulu angathi sebedliswe ngomkabo.
Ukuze sihlolisise udaba lolu, sixoxe loMnu. Khumbulani Tshuma ohlala eAustralia loMnu. Nephat Siziba osehlale eCanada okweminyaka elitshumi lanhlanu.
Bavumelane ukuthi ukupheka, ukuntshintsha abantwana izitshubo lokunye okutshiyeneyo kwenziwa yikuthi imuli zisebenza gadalala emazweni atshiyeneyo.
Your browser doesn’t support HTML5
Ingxoxo Eziyenze LoMnu. Nephat Siziba LoMnu. Khumbulani Tshuma