Abantu bathi kumele uhulumende kaMongameli Emmerson Mnangagwa akhuze ibutho lamapholisa abaqhubekela phambili bekhahlameza uzulu kulandela ukutshengisela kwabo emigwaqweni bekhonona ngesimo esibi somnotho kwele Zimbabwe.
Bathi akusoze kube lokukhulumisana kwamabandla ezombusaze, awokholo, uhulumende lenhlanganiso ezizimele zodwa nxa abantu belokhu betshaywa ngamasotsha lamapholisa. Sokulamaviki amabili uzulu atshengisela emigwaqweni ekhala ngokukhuphuka kwentengo yamafutha ezimotha leyempahla etshiyeneyo.
Ibutho ladubula abantu abambalwa, abanye balimala kwabotshwa njalo abedlula amakhulu angamatshumi ayisithupha – 600.
UMfundisi Ray Motsi uthi konke lokhu lokwenziwa libutho lamasotsha khonamanje akusoze kwenze kube lokukhulumisana okujulileyo phakathi kukahulumende, amabandla aphikisayo labanye abafunakalayo kunkulumo zokwakha ilizwe leZimbabwe.
UMnu. Believe Gaule, okudale leCentral Committee kubandla leZanu PF, uthi uMnangagwa ukhangelelwe ukuthi uzakhokhela ekulungiseleni imihlangano yokulungisa ezombusazwe lezenotho eZimbabwe.
Your browser doesn’t support HTML5
Abantu Bazakhulumisana Njani Amasotsha Elokhu Etshaya Uzulu eZimbabwe?