Banengi abantu abathakazelela ingoma ethi DemLoot eyethulwe enkundleni yokuxhumana eyeTwitter yintathelizindaba, uHopewell Chin’ono, oloba indaba eziveza ubukhohlakali kululumende weZimbabwe.
Sokulabantu asebehlabela ingoma efanayo enkundleni zokuxhumana abagoqela umculi olodumo uVusa Mkhaya okuqembu leInsingizi.
Otshaya ikatali kuzwele, uHellen Ebe, wakwele Nigeria laye uselungisa ingoma efanayo. Sixoxe loChin’ono othi ingoma le ngeyokukhuthaza abatsha ukuba bahlolisise ubukhohlakali obenzakala emazweni abo.
Kodwa abakubandla leZanu PF, abagoqela uMnu. Joseph Tshuma, bayakusola okwenziwe nguChin’ono.
UChin’ono usebotshwe kanengi nengi eZimbabwe esetheswa lecala lokuthi watshotshozela udlakela ngoNtulikazi nyakenye abantu abanengi befuna ukutshengisela emigwaqweni bekhonona ngobukhohlakali kuhulumende kaMongameli Emmerson Mnangagwa.
Your browser doesn’t support HTML5
Ingoma kaHopewell Chin'ono Ithakazelelwa Ngabantu Abanengi Emhlabeni Wonke Jikelele