Ukuqhamuka kobhubhane lweCOVID-19 kubikwa sokubuyisele emuva kakhulu intuthuko ebi isisiba khona eZimbabwe yokulinganiswa kwamathuba phakathi kwabesifazane labesilisa, kusengezwa yikuhlukunyezwa kwabesifazana lamantombazana emulini ngesikhathi abantu bealelwe zindlini phansi kwezondiso zokuemalana laleli gcikwane kuma lockdown.
Selokhe kwaqhamuka iCOVID-19 ingcwethi zezempilakahle lenhlala kahle kazulu zithi kuvele ubufakazi bokuthi izehlakalo zokuhlukunyezwa ezindlini ziqonge kakhulu ngalesi sikhathi.
Lokhu kuphuma ngesikhathi eleZimbabwe limanyana lamanye amazwe womhlaba ukunanza insuku ezilitshumi lasithupha zomkhankaso wokukhuthaza ukuvinjwa kokuhlukunyezwa kwabesifazana lamantombazana owe ‘16 Days of Activism Against Gender Based Violence’.
UNkosikazi Roseline Ncube, isikhulumeli sebandla leLabour Economic Democrats, uchasisa ngenhlupho ezibhekane labesifazana ngesikhathi seCOVID-19 lockdown.
“ICOVID-19 siyenze ukuba iGBV yengeze emhlabeni wonke ngoba abantu kabala mali ikakhulu eZimbabwe. Abantu abalamali, ngesikhathi seCOVID-19 wonke umuntu ube esezindlini.”
Lokhu kusekelwe ngu Nkosikazi Lucia Matibenga yena okhokhela ibandla le People’s Democratic Party (PDP) esithi omama bayancidenzelwa kakubi ngesikhathi lesi.
“Ngenxa yomkhuhlane we Covid-19 abantu abanengi batshona ezindlini, lokhu kubangela ukuba abanye abantu bengalutho ukuzonda, abenelisi ukwenza abakufunayo loba yisiphi isikhathi.”
Igqwetha uNkosazana Lucy Chivasa uthe ukuswelakala kwemali enelayo yokuzinakekela ngeyinye yembangela yokuhluphana ezindlini.
“Ukuhlukuluzwa kwezomnotho kuyabalwa njengeyinye yezindlela yokuhlukuluzwa kumthetho we GBV. Kwenza ukuba omama behlukunyezwe, obaba nxa besehluleka ukuthola imali bacina betshaya omama.
Ummeli we Pumula edale lephalamende uNkosikazi Sichelesile Mahlangu uveze ukuba kumele omama bebambane ukulwisana lodubo lolu.
“Njengabomama kumele sibambane sikhulume ngalizwi linye ukuze kungabi lula ukwehlukaniswa kwenhu ngabantu besilisa.”
Ingcitshi zezenhlalakahle kazulu zithi omama batshona labo baba ezindlini ngesikhathi seziqondiso ze lockdown okwenza bahlukuluzane labemuli.
Ziqhubeke zisithi kumele kwenziwe okunengi ukuze ukuhlukumezwa kwabo mama lamantombazana ngesikhathi seCOVID-19 kulungisiswe.