Uhlangothi lwezempilakahle luthi kulabantu abahlanu ababulewe ngumkhuhlane weCOVID-19 izolo eZimbabwe kwathi abangamatshumi amathathu lasikhombisa – 37 bahlolwe batholakala belegciwane leCOVID-19.
Uhlangothi lolu luthi umkhuhlane lo sowabulala abantu abedlula inkulungwane ezine lengxenye – 6,668 selokhu waqhamuka nyakenye eZimbabwe.
Abantu abedlula inkulungwane ezilikhulu – 133,000 sebabanjwa ngumkhuhlane lo kwaphepha abedlula inkulungwane ezilikhulu lamatshumi amabili – 127,000.
Uhlangothi lwezempilakahle luthi abedlula kancane izigidi ezintathu – 3.3 million sebejovwe ijekiseni yakuqala kuthi njalo asebejovwe eyesibili bafika phose izigidi ezimbili lengxenye – 2.5 million.