Uzulu wakoBulawayo lezinye ingcwethi zempilakahle zithi okunye okungabe kubangela ukukhuphuka kwenani labatholakala beleCOVID-19 yikuba sokuyisikhathi sekhefu leKhisimusi lapho abantu abethekelela izihlobo labangane.
UMnu. Senzo Ndimande, isakhamuzi sakoBulawayo, uthi eyinye imbangela yikuba abantu sebeyekethisa ukuzivikela.
“Abantu sebe relaxile kakhulu lapha ekuhambeni abasalandeli izixwayiso akula social distancing akugqokwa mask lokugqoka ama mask. Okunye njalo yikuthi sekuyi festive season abantu baya traveler njalo indlela ezi approved zinlutshwane so abantu bagada amaHonda Fit lawa beminyezelene kungela muntu ogqoke imask. Kunzima ukuthi si-controller ama cases lawa vele azaqhubeka eqansa.”
UNkosikazi Helen Dube, isakhamuzi sakoBulawayo, yena usola abantu abaziphatha ngayo.
“Engikubonayo yikuthi vele utshintsho olwalethwa yiCOVID lokhe singakaze siluthathe sikwenze kube more practical. Mina nginanzelela ezikolo ukuthi singena emagedini kuyagezwa izandla kodwa nxa abantwana sebetshayisa bebuyela emakhaya akula social distancing njalo abagqoki ama mask. Ku transport njengakho asikhulumi. Maybe ukuqansa lokhu kubangela yikuthi uhulumende laye lokhe engakaze enze i effort engayehlisa ukumemetheka kweCOVID. Ema bank lokhe kulama queues, kuZUPCO so okwakhathesi abantu bazakwanda vele.”
UDokotela Rogders Shoshore Magigo uthi ukuvulwa kwemingcele ngeyinye imbangela.
“Mhlaka 1 December savula ama borders, abantu baqalisa ukumover up and down. Kodwa okukhulu okumele sikunanzelele yikuthi iCOVID test yenza USD$60, engingayikwanisiyo njengo dokotela ngibe sengicabanga abanye abahlawulwa imali emfitshane kuleyami abantu ngeke benze lawa ma test. Yikho inengi selichatsha ngencwadi ezingekho emthethweni nxa umuntu epositive kambe uyabe sethelele abangaki abantu so ngezinye indlela sesinike abantu passport to spread iCOVID.”
Your browser doesn’t support HTML5
Udaba Esilethulwe nguBathabile Masuku