Bakhona abantu koBulawayo bathi basekelwa okwethulwe ngumsekeli kamongameli, uMnu. Kembo Mohadi, obike ukuthi kumele yehliswe intengo yempahla enjengesinkwa, amafutha okupheka lokunye okwakhuphuka ngesikhathi ilizwe leZimbabwe liqala uhlelo lokuvalela abantu ezindlini kusenzelwa ukuvimba ukumemetheka komkhuhlane weCoronavirus.
Omunye osekela lokhu nguNkosikazi Linda Sibanda othi abantu bathwele nzima ngokuphanda impilo.
“Indaba yokuthi amaprice ehle ngumqondo omuhle ngoba imali esilayo lokhe kwathiwa sihlale phansi sekusesabeka silabazali labantwana singabulalani njengesizwe … Ngumngqondo omuhle sibili okaVP Mohadi ukuthi intenge zehle zibuyele kuMbimbitho.
munye njalo olumcabango lo ngesinye isakhamuzi sakoBulawayo, uNdodana Moyo, othi okwethulwe nguMohadi akumelanga kuphelele emlonyeni.
''Kuyinkuthazo eqakathekileyo njalo esiyamukelayo kodwa iba lesisindo uma kuthe kwathathwa inyathela kungapheleli emaphepheni lakumisakazo sikhangelele ukuthi athathe inyathela abezomthetho bangene ezitolo bahlilisise intengo kuthi abephula imithetho babotshwe.''
llunga ledale lephalamende koBulawayo elimele iPumula, uNkosikazi Sichelesile Mahlangu, uthi uvumelana loVP Mohadi.
''Ngivumelana laye uVP Mohadi kulokho, intengo ziqansile amafutha ebebiza amadola angamatshumi ayisithupha isiqansile isibiza amakhulu amabili, kuthi irayisi ibibiza amatshumi amane isikukhulu, iMazoe isikukhulu lamadola. Inyathela likaVP ngiyalisekela. Abantu bezitolo bengathathi isikhathi lesi baqansise intengo okungekho emthethweni ababelobuntu siphakathi komkhuhlane losizi.”