Abanye abantu bathi bazivikela kumkhuhlane weCOVID-19 ngokuzivalela ezindlini kube labanye njalo abathi kunzima ukuzivikela.
Omunye wabakhala ngomkhuhlane lo nguNkosikazi Ngangezwe Khumalo othi kumele abantu bezivikela sonke isikhathi.
UMnu. Jabulani Sibanda uthi abantu bathithibele ngokumemetheka komkhuhlane weCOVID-19 eZimbabwe.
UNkosikazi Ntokozo Moyo, ohlala eMatobo, uthi basebenzisa indlela ezitshiyeneyo ezokuzivikela kumkhuhlane lo.
LoNkosazana Gcinekile Ncube, ohlala eHingwe, wenza okufanayo.
UMnu. Fiso Moyo, owesigabeni seKezi esabelweni seMatabeleland South, ukhala ngokuvulwa kwemingcele.
Kulabantu abedlula inkulungwane asebehlolwe batholakala belomkhuhlane weCOVID-19 eZimbabwe. Abangamatshumi amabili babhubha.
Abantu bathi kunzima ukuhlala ezindlini ngenxa yokuswelakala kokudla elizweni.
Your browser doesn’t support HTML5
Udaba Esilethulelwe NguGibbs Dube