Amalunga enhlanganiso yeZimbabwe Congress of Trade Unions abafika phose amatshumi amathathu ababotshwe izolo bakhangelelwe ukuthi lamuhla bazamiswa emthethwandaba besetheswa amacala okwenza udlakela emigwaqweni.
Bekugcwele imota zamapholisa ezithwele intuthu ehitshayo emadolobheni amanengi ngoLwesine zimelele abatshengisela emigwaqweni ...
UMnu. Lizwe Jamela, omele amalunga la, uthi amapholisa asebenzise umthetho weCriminal Law (Codification and Reform) Act ekubopheni uMnu. Peter Mutasa, umongameli weZCTU, unobhala jikelele uMnu. Japhet Moyo labanye abakade belungiselela ukukhokhela abantu abatshengisela emigwaqweni bekhonona ngokukhuphulwa komthelo wokuthumeza imali, ukukhuphuka kwentengo yempahla etshiyeneyo lokuswelakala kwesinkwa lokunye okufanayo.
UJamela uthi amalunga eZCTU kawalacala ngoba isisekelo sombuso welizwe sipha umuntu wonke eZimbabwe imvumo yokutshengisela emigwaqweni.
Your browser doesn’t support HTML5
Ingxoxo Esiyenze LoMnu. Lizwe Jamela
UMnu. Clement Moyo, ingcwethi kwezombusazwe ezimele yodwa, uthi iZCTU kumele ikhulumisane lohulumende ngokwenzakala elizweni hatshi ukugijimela ukutshengisela emigwaqweni.
Your browser doesn’t support HTML5
Ingxoxo Esiyenze LoMnu. Clement Moyo