Inhlanganiso yezisebenzi eyeZimbabwe Congress of Trade Unions ithi amalunga ayo azatshengisela emigwaqweni emadolobheni lamuhla ekhonona ngokugugudeka komnotho lokukhuphulwa komthelo wokuthumeza imali ngomakhalekhukhwini.
UMnu. Japhet Moyo, unobhala jikelele weZCTU, uthi bazakwenza lokhu loba amapholisa ebacebise ukuthi akuvunyelwa ukwenza imihlangano elizweni ngenxa yomkhuhlane wesihudo.
Uthi kabesabi lutho ngoba izisebenzi sezidubeka okumangalisayo elizweni lapho okukhuphuka khona intengo yempahla nsuku zonke kuleyinye engasatholakali ezitolo.
Your browser doesn’t support HTML5
ZCTU: Kasesabi Lutho Emigwaqweni Lapho Esivinjwe Khona Ngamapholisa
Ilunga lebandla leZanu PF, uMnu. Dingumuzi Phuthi, uthi akumelanga iZCTU ihlokoze uhulumende ngokutshengisela emigwaqweni kungelasizatho.
Your browser doesn’t support HTML5
Zanu PF MP: IZCTU Iyenga Abantu Abazondele Ukuswelakala Kwempahla Ezitolo
UMnu.Rejoice Ngwenya, ingcwethi yezombusazwe lezomnotho ezimele yodwa, uthi abanye abantu bazakwesaba ukutshengisela kulandela ukudutshulwa komuntu izolo eHarare labanye abadutshulwa ngamasotsha ngoNcwabakazi.
Your browser doesn’t support HTML5
Ingxoxo Esiyenze LoMnu. Rejoice Ngwenya