Uhulumende weZimbabwe useyethule umbiko weState of Emergency kulandela ukuqhamuka komkhuhlane wesihudo osubulele abantu abangamatshumi amabili – 20.
Lokhu kwethulwe nguMnu. Obadiah Moyo, umphathintambo kahulumende okhangelane lezempilakahle, othi umkhuhlane lo usumemetheka okumangalisayo.
UMoyo uthi okwamanje kulabantu abazinkulungwane ezimbili – 2,000 – abalomkhuhlane lo abasemalokitshini abalisa eleGlen View leBudiriro.
Uthi sokukhangelelwe ukuthi uhulumende uzasebenzisa konke alakho ukuthi kuvinjwe ukumemetheka komkhuhlane lo obangwa yikusilela kwamanzi ahlanzekileyo.
Ngomnyaka ka2008 kwaqhamuka umkhuhlane ofanayo owabulala abantu abazinkulungwane ezine – 4,000.
Ukuze sizwe okunengi ngomkhuhlane lo, sixoxe loNkosazana Thebe, ingcwethi kwezempilakahle.
Your browser doesn’t support HTML5
Umkhuhlane Wesihudo Ukhalisa Uhulumende weZimbabwe