Kulabantu kwele Zimbabwe abathakazelela ukuphanyekwa kodaba lokhetho lwama by-elections eHigh Court yinhlanganiso yabesifazana eyeWomen's Academy for Leadership and Political Excellence, iElection Resource Centre Zimbabwe lezizalwane zeZimbabwe eziyisithupha.
Bathi akukho emthethweni ukumiswa kokhetho lolu ngumsekeli kamongameli uRetired General Constantino Chiwenga, ongumphathintambo wohlangothi lwezempilakahle, othi ukhetho lwamalunga edale lephalamende lolwamakhansili lulakho ukumemethekisa igciwane leCOVID-19.
Inhlanganiso yeZimbabwe Lawyers for Human Rights iphanyeke udaba lolu enkantolo ngoLwesibili imele inhlanganiso lezi labantu laba abathi okwenziwe nguChiwenga kubisela muva ukukhululeka kwabantu eZimbabwe.
Inkantolo ingavuma ukuthi kwenziwe ukhetho lolu ngubani ozasizakala? Azangena na amabandla wonke kukhetho lolu?
UNkosazana Vivian Nomalanga Bhebhe, olandela ezombangazwe ezimele yedwa kanye loMnu. Busani Mbuso Ntini bathi akualuntu ozancedwa yikwenziwa kokhetho ngoba luzabiza imali enengi njalo okwamanje akukhanyi kahle okwenziwa ngamabandla aphikisayo.
UMnu. Mqondisi Moyo, umkhokheli webandla leMthwakazi Republic Party, laye uthi kukhanya engani kukhona okuphehlwa nguhulumende okungasoze kuncede abantu abanengi.
Your browser doesn’t support HTML5
Luzanceda Abantu Na Ukhetho Lwama By-elections Lungenziwa eZimbabwe?