Abenhlanganiso ekhankasela ukuqakatheka kokuthenga lokuthengiswa kwempahla elungiswa elizweni eye Buy Zimbabwe basungule okusemthethweni umkhankaso wokukhulumisana phakathi kukazulu, abamankamapani kanye labosomabhizimusi owe “The Buy Local Community Engagement Campaign ”.
Lokhu kujonge ukuletha ukuzwisisana phakathi kwenhlangothi zontathu, ngokuthenga lokuthengiswa kwempahla yelizweni, lokuba kuphathisa njani ekuthuthukisweni komnotho.
Umkhosi wokuphawula okusemthethweni loluhlelo, lokuxoxisana phakathi kwabamankampani, osomabhizimusi kanye lozulu, wenzelwe emzini weSunningdale ngoLwesithathu ekuseni njalo lukhangelelwe ukusabalala ilizwe lonke.
Umqondisi weBuy Zimbabwe uMnumzana Munyaradzi Hwengwere uthi bakubone kufanele baqhube inhlelo zaloluhlobo ngemva kokunanzelela izikhexe ezikhona phakathi kwabalungisa impahla, osomabhizimusi kanye lozulu othenga leyompahla. Zize ngobunengi izakhamizi kulomkhosi owenzelwe eCommunity Hall emzini weSunningdale, eHarare.
UMnumzana Menelisi Nkiwane, ophatheke kumisebenzi yokuzinikela ukusebenza kungela mbadalo kwezokulondolozwa komuzi weSunningdale uhlanzekile, eyisakhamusi njalo,ubekhona laye kulomkhosi.
Utshengise ukukujabulelela lokhu kukhulumisana uNkiwane ethi sekuvule amehlo akhe yena labanye kokunye abekade engakunanzelele.
Yikhona kusithi dlwe kuye uNkiwane ukuba ukube lokhe uzulu labamankampani bethenga impahla yangaphandle endaweni yokuthenga elungiswa elizweni kuyiyo into engavimba ukuphuma kwemali isiya kwamanye amazwe, kuthuthukisa umnotho walawo mazwe.
Bebenxusiwe osomabhizimusi kanye labanini mankampani, abagombolezele iSunningdale kodwa abalutshwana babo bengazange bazihlupha ukuzahlangana labathengi.
Lokhu, ucouncillor wakulendawo eku ward 10, uMnumzana Hammy Madzingira athe kuyinto edanisayo,kuze abammeli bamankampani ayisithupha kuphela ikanti esedlula amakhulu amahlanu amankampani , abucwadlana lalomuzi.
Yikhona bezabhoda beqhuba imbuthano efanayo ilizwe lonke abe BUY ZIMBABWE laba nganjongo yinye, kukhangelelwe ukuphathisa ekuthuthukiseni umnotho welizwe, kulethe ukwanda kwemisebenzi.