Ikhansili yakoBulawayo ithi isimise uhlelo lokuvalela izakhamizi amanzi oluqale ngenyanga edluleyo.
Kodwa-ke ikhansili le ikhuthaza abantu ukuthi basebenzise amanzi ngonanzelelo.
Isikhulumeli sekhansili yalelidolobho, uNkosikazi Nesisa Mpofu, uthi, “Idolobho lakoBulawayo lithanda ukwazisa izakhamizi ukuba uhlelo lokuvala amanzi sesilumisile kulandela ukwehla kokusebenzisa amanzi loba okwamanje uzulu elokhu esebenzisa amanzi amaneni. Kumele uzulu asebenzise 125 mega liters kodwa okwamanje uzulu sebenzisa 150 mega liters.”
Ikhansili yethule njalo isilinganiso samanzi okumele asetshenziswe nguzulu ngelanga.
UNkosikazi Mpofu uthi, “Izakhamizi zakoBulawayo sizikhuthaza ukuthi zisebenzise amanzi ngonanzelelo ngakho abantu abahlala emalokitshini kumele basebenzise 450 litres ngelanga, endaweni zema low density 650 liters ngelanga kuthi abahlala ezitezi ezilamamitha indlu ngendlu kumele basebenzise 400 litres ngelanga kodwa labo abalemitha yamanzi enkulu emafulathini kumele basebenzise 70 percent kuhambelana lokusebenzisa kwabo amanzi kusukela ngoMbimbitho.”
Izakhamizi zikhuthazwa ukuthi zingatheleli izivande ngempompi zokuthelezela amahosepipes.
Kusenjalo, izakhamizi zedolobho lakoBulawayo zikhala ngokukhuphuka kwentengo yempahla yokudla lokugqoka.
Intengo yokudla emavinkilini isihlala igekhuphukuleyo mihla ngemihla osekutshiye uzulu esebunzimeni bokungenelisi ukuthenga ukudla okudingeka nsukuzonke.
Your browser doesn’t support HTML5
Ikhansili Yako Bulawayo Ithi Izakhamizi Kumele Zisebenzise Amanzi Ngonanzelelo