Umphathintambo wezemali, uMnu Mthuli Ncube, namuhla wethule uluhlu lwendleko lokubuthaniswa kwemali kahulumende, lomnyaka ozayo, i2022 National Budget. UNcube uthi uhulumende uhlele libudget emizameni yokulungisisa inhlupho ezibhekane lozulu yikho eyabele imali enengi emisebenzini eqakathekileyo enjengezempilakahle, imfundo lezokulima.
Esethula ibudget le yeRTGS923 billion, edale lephalamende, uNcube uthe lanxa imali efunwa zingatsha ezehlukeneyo zikahulumende inengi kakhulu kulaleyo abahlele ukuyibuthanisa iRTGS85,7 billion, bazadinga ezinye indlela zokuyithola leyo mali.
“Umnotho wele Zimbabwe ukhangelelwe ukuba uzakhula ngesilinganiso sekolihlanu le ngxenye 5.5%, okuzancediswa lugatshwa lwezokulima, olwezokwakha lolwezokwethekelelwa.”
UGatsha lwezokulima lwabelwe RTGS124 bhiliyoni, kuthi olwezempilakahle lwathola ama bhiliyo edlula alikhuluRTGS117 , olwezemfundo lwathola efanayo.
Ugatsha lwezebutho luthole 61,5 RTGs amabhiliyoni kuthi ihofisi ka Mongameli ithole amabhiliyoni angu 32,3RTGs.
Idale lephalamende luthole 14,6 billion olwezabadubekayo I social welfare luthole 19,4 bhiliyoni.
Ingcitshi ecubungula ezombusazwe, uMnu Pride Mkono, uthe uhlelo lwe budget kalukhangeli indingeko zabayanga.
Lokhu kusekelwe nguMnu Masimba Kuchera, ingcwethi ecubungula ezomnotho welizwe.
Unobhala jikele wenhlanganiso yezisebenzi eyeZCTU, uMnu Japhet Moyo, uthe bakhala nge holo ukuba ngabe lihlawulwa ngedollar leMelika.
UNcube uphinde wakhweza isibanga sabantu ababanjelwa imali ye tax isuka ku RTG10 000 isiya ku40,000 RTGs.
Lokhu kwamukelwe ngenjabulo ngamalunga amanengi edale lephalamende kodwa esola isilinganiso semali eyabelwe ugatsha lwezempilakahle ngalesi sikhathi ilizwe lokhu lingekenelisi ukumelana lobhubhane lweCOVID-19.
Ibudget eyethulwe namhlanje edale lephalamende izahlaziywa edale lephalamende ele National Assembly kanye lele Senate andubana iphasiswe ukuthi iqale ukusebenza.