Intathelizindaba zeZimbabwe ezilitshumi, zibotshiwe namuhla ngesikhathi zithapha udaba lokutshengisela kwamalunga ebandla leMDC Alliance, besola ukwaliswa kwabo ukungena umhlangano wamabandla ezombusazwe obusenzelwa, emahofisini ekomishini ebona ngezokhetho eyeZimbabwe Electoral Commission (ZEC).
Intathelizindaba ezibotshiwe zibalisa, uThomas Madhuku, Nyashadzaseh Ndoro, Robert Tapfumaneyi, Marshall Bwanya, Desmond Munemo, Leopold Munhende Gaddafi Wells, Adrian Maratu, Tongai Mwenje lo Tinashe Muringai.
Omunye wabantu laba, othumele umbiko esenkambeni yamapholisa eyeHarare Central lapho ababotshwe bahlaliswa khona okwamahola amabili, uLeopold Munhende, uthi kabakwazi ukuba babotshelweni.
“Besifuna ukubhala udaba obe lusenzakala emahofisini awe ZEC awesigaba se Harare. Ngesikhathi sifika emahofisini lawa simile siphandle e Old Mutual Centre, imota yohlobo lwe Toyota D4D ihle yafika sathathwe sisiwa e Harare Central.”
Lokhu kugcizelelwe ngeyinye intathelizindaba uMarshall Bwanya othi, “Kuyasidanisa ukuba siyaqhubeka sibotshwa ngesikhathi kumele senze umsebenzi wethu singela kwesaba.”
Iqgwetha elilodumo, uMnu Chris Mhike, uthunywe zinhlanganiso ezimela amalungelo oluntu ukuba aye ncedisa kudaba lolu.
Intatheli lezi zikhululiwe zingetheswanga cala ngemva kokuqeda amahola amabili zisemapholiseni.
Isimo selizweni siqhubeka sisiba nzima kulokudonselana kwezombusazwe ngesikhathi ilizwe lilungiselela ukhetho lomnyaka ka2023.
Ibandla leMDC Alliance lethesa uhulumende umlandu wokubangela ukungahlaliseki elizweni ngokwephula amalungelo enhlangothi ezithsiyeneyo zempilo okugoqela ukufakela intathelizindaba imigoqo engaqedakaliyo kusenza umsebenzi wazo lamabandla aphikisayo ube nzima.
Kolunye udaba, uMongameli Emmerson Mnangagwa namhlanje uvule ngokusemthethweni umbukiso we Harare Agricultural Show.
Umbukiso walonyaka ngowekhulu lanye- 111, njalo uMongameli ukhuthaze uzulu we Zimbabwe ukuba aqhubeke eqinisa umsebenzi wokulima ngoba uyiwo insika yokuvuselela umnotho we lizwe.
UMongameli uthe uhulumende wakhe uyawuqakathekisa kakhulu umsebenzi wokulima kungakho eminyakeni edluleyo ephume lenhlelo zokuphathisa uzulu wasemaphandleni ukuthi aphiwe inhlanyelo lezinye indingeko zokulima kuseselesikhathi, phansi kwenhlelo ezifana labo Intwasa.
“Kwezomnotho, aabemaphandleni bengenelisa ukuba lenzuzo, kuyanceda ukuba silwise ubuyanga elizweni lokuba sibe lentuthuko elizweni.”
Uqhubeke esithi uhulumende wakhe uzimisele ukwengeza inani lesivuno esitholakala kuleli ukuze ilizwe lingabe lendlala.
“Kumele senze ngcono ukuba sibe lenzuzo kwezokulima ukuze sibe lesivuno esingcono. Ngibona iZimbabwe Agricultural Sciety le National Economic Consultative Forum ngokwenza umhlangano owe Agri-business lonyaka.”
UMnagagwa uncome abenhlanganiso eye zimbabwe Agricutural society abaqoqa umbukiso wezokulima minyaka yonke, ngokuhlela kuhle owalonyaka lanxa ilizwe liphakathi kokumelana lobhubhane olwe Covid-19.
Ucine ngokunikeza imivuzo kubalimi lamankampani anqobe kumncintiswano wokuba lembukiso emihle lonyaka.
Abalimi abathole imivuzo bagoqela uNkosikazi Chipo Chamura ovele esigabeni eseMashonaland Central ngokulima igwayi elihle, uMnu. Bafundi Mpofu ovele eZvishavane othole umvuzo wokufuya inkomo.
Inkampani yenhlanyelo eyeSeedCo yiyo ethole umvuzo waphezulu wokuba lombukiso omuhle kuthi iZimplats yathola umvuzo waphezulu kumankampani akumsebenzi wezokwemba.
Ugatsha lukahulumende lwezokulima lu[hiwe umvuzo waphezulu wokuba lombukiso omuhle kuwhowa yonke lonyaka oweBest Overall Exhibitor.
Amankampani angamakhulu amabili labalimi abedlula ikhulu baphatheke embukisweni walonyaka obuhamba ngendikimba ethi “Synergies for Growth - Cooperate, Collaborate, Compliment" to rally support for the cause of agriculture and attendant value chains for increased "Production, Productivity and Profitability".