Abalandeli bebandla le Zanu PF basekela uMongameli Emmerson Mnangagwa othi kumele iziphathamandla zikahulumende zingenzi ubukhohlakali.
UMnangagwa wethule amazwi asola ubukhohlakali namuhla emhlanganweni weInternational Pastors Deeper Life Leadership Conference eHarare owabafundisi abadabuka emazweni atshiyeneyo obuqoqwe yiZimbabwe Assemblies of God Africa Forward in Faith Ministries.
Uthe ilizwe lingeke liphumelele nxa iziphathamandla zikahulumende zisenza ukungethembeki. Lokhu kusekelwe ngabalandeli bebandla lakhe. Omunye wabo nguMnu. Believe Gaule.
Your browser doesn’t support HTML5
Ingxoxo Esiyenze LoMnu. Believe Gaule
Siphinde saxoxa ngodaba lolu loMnu. Patrick Ndlovu, obona ngokwethulwa kwemibiko kubandla leZapu eMatabeleland, othi uMnangagwa ukhuluma angakwaziyo.
Uthi kuyamangalisa ukuba uMnangagwa wethule umbiko lo loba ekwazi ukuthi banengi abantu abenza ukungethembeki kuhulumende wakhe.
Your browser doesn’t support HTML5
Patrick Ndlovu: UMnangagwa Ukhuluma Angakwaziyo Ngokungethembeki