Kuhlelo Woza Friday kuliviki sileqembu elicula umdumo wesicathamiya, Amavevane Acapella Group.
Amaphimbo amnandi azwakala kahle eculwa kungelazigingci. Sixoxa loFuture Ndebele, omele iqembu elizosiphakulela ingoma zembube.
"Iqembu engicula kulo liqembu okuthiwa Amavevane Acapella after iWhite Umfolosi esasisaziwa ngayo esaqala sicula kuyo siseNgwana lapho ebesifunda khona.IWhite Umfolosi leyi liqembu elaliqalwe ngumbalisi wethu uLucias Ncube odabuka eKhezi .Kwafika iskhathi sokuthi abanye baye ngale langale belandela imisebenzi lezinye izinto abazidingayo empilweni ngasengiqhubeka labafowethu akade besele ngathi iqembu selizoba ngaMavevane."
Iqembu le Amavevane licula isichathamiya
Iqembu leli lasungulwa ngumbalisi uNcube esikolo seNgwana ePlumtree emva kokubona uFuture labanye bakhe bedliwe kumdlalo wenguqu basebebona ukucula kuyinto engcono kulokudlala ibhola. Amalunga aleliqembu wona adabuka nga?
"Sivela ePlumtree lapho iqembu eladabuka khona egodini, endaweni yaseSigodini. Kuzoba lamalunga abuya eLupane, kunoS'linganiso Ndlovu onguye obuye'Sigodini, kuzoba noLucky Moyo obuye'Plumtree, noSam Tshelinkosi Nkosi Nkomo naye ubuye'Plumtree, ngino Emmanuel Mabhayi Ndlovu ubuya ePlumtree, ngizoba noMbonisi Mbila Mhlanga ubuya ePlumtree, ngilejaha elithiwa nguMloyiswa Mpofu naye ubuya ePlumtree, besengiba nababuya eLupane ababili uEzekiel Mafohla Ncube noMusawenkosi Tshasokela Maseko."
Leliqembu lithi lanikezwa umdladla wokucula liqembu lesicathamiya elidumileyo iLady Smith Black Mambazo elasungulwa ngumuyi uJoseph Shabalala osanda kubhubha.
Amalunga eqembu le Amavevane
"Ukudlula emhlabeni kuka baba uJoseph Shabalala kusithintile kakhulu siliqembu laMavevane kodwa sabuya nathi sajoina umhlaba wonke senza okuthiwa yikuCelebrater impilo yakhe ngoba kithi uwenzile umahluko omkhulu kakhulu. Sifunde ukuthi umuntu angaphila ngomculo ngaphandle kweminye imisebenzi esiyibonayo . Sinethemba lokuthi lapho esiyakhona indlela siyayibona ivulekile ilokukhanya."
Iqembu leli lithi litholakala ebulenjini bokuxhumana.
"Ipage lethu elikuFacebook kulapho esiActive khona kakhulu ungasearcher Amavevane Acapella uzasithola lapho kulaphoke engiqinisekileyo ukuthi zonke izinhlelo zethu sijwayele ukuthi sizibeke lapho noma sizaba neTour, noma sizoyenza iAlbum, noma sizoba neShow sifaka khonalapho kuFacebook. Siyababonga siliqembu laMavevane ngosekelo noma ngithi ngothando olukhulu kangaka abasibonisa lona."
Umculo wesicathamiya abanye bawubiza ngokuthi yimbube. Yiwo umdumo oluphawu lwesizwe samaNdebele. Kubakuhle amaqembu afana lamaMavevane baqhubekele phambili besiphekela wona. Besilabo namuhla kuhlelo Woza Friday bemelwe nguFuture Ndex Ndebele.
Your browser doesn’t support HTML5
WOZA Friday: Sileqembu leAmavevane