Kulabanye abantu abathi akuqakathekanga ukuba amabandla aphikisayo eZimbabwe amanyane lamanye ngesikhathi sokhetho oluzakwenziwa ngomnyaka ka2023.
Abangafisi ukubambana lamanye amabandla bathi akusoze kuguqulwe indlela okwenziwa ngayo ukhetho amabandla aphikisayo angamanyana ngesikhathi sokhetho.
Ofisa ukungena esikhundleni sikasibalukhulu webandla leZapu, uMnu. Mthulisi Hanana, uthi amanye amabandla aphikisayo adlelana leZanu PF.
UHanana uthi ukubambana yikuchitha isikhathi.
USenator Khaliphani Pugeni yena uthi kumele amabandla aphikisayo amanyane.
Kodwa uthi amabandla aphikisayo ayadlephana kakhulu eZimbabwe.
Ibandla leZapu kukhanya engani lilakho ukubambana lele Mthwakazi Republic Party kuthi eleMDC Alliance lizamanyana lamanye ngesikhathi kulungiselelwa ukhetho oluzayo. Kodwa kusakude phambili.
Your browser doesn’t support HTML5
Kumele Amanyana Amabandla Abusayo Na Ngesikhathi Sokhetho eZimbabwe?