Sebeyitholile indawo yokufundela ukuba ngabongi labongikazi abanye abancediswa ngabantu abambalwa abenza ukuthi bahambe eHarare lapho okwahlolisiswa izifundo zabo njalo lokuzimisela ukwenza umsebenzi wokukhangelana labagulayo.
Kwakulabantu abafika phose ikhulu lengxenye ababefuna ukufundela ukuba ngabongi labongikazi. Kodwa kukhanya bebalutshwana abathole indawo ezibhedlela ezibalisa iMpilo, iChitungwiza lezinye.
Abantwana laba bancediswa nguMnu. Discent Collins Bajila, uMnu. Michael Ndiweni, uMnu. Mlungisi Dube labanye ababambisana ngendlela ezitshiyeneyo.
Omunye wabaphumeleleyo nguNkosazana Lindelo Gumende othi wayesezame okwesikhatshana ukudinga indawo youkufundela ukuba ngumongikazi.
Omunye njalo nguThembuluwo Moyo othi uyajabula ngokuthi usethole indawo yokufundela ukuba ngumongi.
Kodwa uNkosazana Debra Tshuma uthi kwehlule ngenxa yokuthi bakaba umango omude besiyadinga indawo wafika eHarare esediniwe okwenza ukuthi engenzi kahle ekhulumisana labaqhatsha abongi labongikazi.
UMnu. Mlungisi Dube uchasisa ngokwenzakale kuhlelo lokunceda abafuna ukufundela ukuba ngabongi labongikazi. Uthi banengi abangaphumelelanga kuhlelo lolu.
Uphinde wathi bazaqhubekela phambili benceda bonke abafuna ukwenza imisebenzi etshiyeneyo.
Abantu abadabuka eMatabeleland leNkabazwe bakhala ngokubandlululwa kuhlelo zikahulumende.
Your browser doesn’t support HTML5
Abanye Abadabuka eMatabeleland leNkabazwe Sebethole Indawo Yokufundela Ukuba Ngabongi Labongikazi