Abamhlophe abahlala eZimbabwe bathi loba sebethethiswe kwazwela njalo bathethelwa amapulazi nguhulumende wabensundu, lokhe begxile impande elizweni.
Esixoxe labo kuStudio 7 bagoqela uMnu. David Coltart oligqwetha, owake walwisana lamalwecatsha ilizwe lingakazibusi njalo waphinda wabangumphathintambo wezemfundo, uMnu. Eddie Cross okudale lephalamende, uMnu. Ian Kay owayengumlimi olodumo eMarondera loMnu. Alex Goosen owathathelwa ipulazi duzane lakoBulawayo.
Bathi inkaba zabo zise Zimbabwe ngakho-ke bazafela khona njengoba kuyilolodwa ilizwe abalaziyo.
Abanye babo abanjengo Kay loGoosen bakhula bedlala labantwana babantu abansundu okwenza ukuthi bafunde isiShona leSiNdebele.
Ukuze sizwe okunengi ngempilo yabantu abamhlophe eZimbabwe iStudio 7 ixoxe loGoosen othe uyahlezi kahle labantu beZimbabwe lapho abambiza khona besithi nguTshuma.
Uthi kabala bandlululo abantu beZimbabwe loba bake bathwaliswa nzima ngabamhlophe.
Your browser doesn’t support HTML5
Ingxoxo Esiyenze LoMnu. Alex Goosen